Sabon dan wasan Barcelona, Raphinha, ya zura kwallo daya tilo a lokacin da Barcelona ta doke Real Madrid a Las Vegas ta Amurka a daren Asabar.
Dan wasan na Brazil ya koma kungiyar daga Leeds United a yarjejeniyar da ta kai fam miliyan 55 a farkon wannan watan.
A yanzu ya zura kwallaye biyu a wasanni biyu na tunkarar kakar wasanni a Amurka.
A minti na 27 ne ya ci kwallonsa bayan da ya katse bugun daga kai sai mai tsaron gida na Real Eder Militao inda ya tabbatar da nasara a wasan da Robert Lewandowski ya fara bugawa Barca.
Real Madrid, wadda ba tare da dan wasanta na gaba Karim Benzema ba, ta kasa kai farmaki ko da guda daya a ragar Barcelona.
Subscribe to Our VIP Newsletter
[newsletter_signup_form id=1]
