Shugaban kasar Rasha Vladimir Putin ya kori wani babban Janar mai kula da kayayyakin bukatun sojin kasar da ke yaki a Ukraine.
Ma’aikatar tsaron kasar ta ce an kori Janar Dmitry Bulgakov – wanda shi ne mataimakin ministan tsaron kasar – ranar Asabar.
Janar Bulgakov shi ne mai kula da kayayyakin bukatun sojin kasar tun shekarar 2008, kuma shi ne mai kula da sayan kayyakin bukatun sojin kasar da aka kai Siriya a shekarar 2015.
Masu sanya ido na cewa a ‘yan watannin nan kasar ta ajiye shi a gefe, inda wasu da dama ke zarginsa da rashin ingantaccen tsarin kula da kayayyakin aikin soji, abin da kuma suka ce, shi ne ke kawo koma-baya ga ayyukan sojin kasar a Ukraine saboda rashin wadatattun makamai.
A ‘yan watannin nan dai kasar kan sayo makaman atilari, da jirage marasa matuka, daga Koriya ta arewa da Iran sakamakon takunkumai da take fuskanta a sauran kasashe.
Korar Janar Bulgakov na zuwa ne bayan da wani faifan bidiyo da ya karade shafukan sada zumunta a kasar ya nuna yadda ake bai wa sabbin sojojin kasar bindigogi kirar AK-47.
Masu goyon bayan yakin da kasar ke a Ukraine sun nuna jin dadinsu kan karor babban jami’ain sojin, tare da nuna jin dadinsu kan maye gurbinsa da janar Mizintsev – wanda Birtaniya ta sanya wa takunkumi kan jagorantar kwace birnin Mariupol.
Subscribe to Our VIP Newsletter
[newsletter_signup_form id=1]
