Tsohon Shugaban Hukumar Kwallon Kafa ta Najeriya, NFF, Amaju Pinnick, ya kasa ci gaba da rike kujerar Majalisar FIFA.
An gudanar da zaben ne a wani bangare na babban taron CAF karo na 14 a birnin Alkahira na kasar Masar a ranar Laraba.
Pinnick ya samu kuri’u 28, daya kacal da Ahmed Yahya na Mauritania da Souleman Hassan Waberi na Djibouti, wadanda kowannensu ya samu kuri’u 29 don samun tikitin shiga cikin babban kwamitin.
Shugaban CAF Patrice Motsepe ya dawo ba tare da hamayya ba a karo na biyu a kan karagar mulki.
Fouzi Lekjaa na Morocco, Hany Abou Rida na Masar, Yahya, da Waberi za su shiga Motsepe a matsayin wakilan Afirka a kwamitin FIFA.
Kanizat Ibrahim daga tsibirin Comoros ta lashe kujerar mata.
Subscribe to Our VIP Newsletter
[newsletter_signup_form id=1]
