Sanata Samuel Anyanwu, Sakataren jam’iyyar PDP na kasa, ya zama dan takarar gwamna na jam’iyyar a zaben gwamnan jihar Imo da za a yi a ranar 11 ga watan Nuwamba.
Fitowar sa ya biyo bayan zaben fidda gwani na jam’iyyar PDP da aka gudanar ranar Laraba a sakatariyar jam’iyyar da ke kan titin Okigwe a Owerri, babban birnin jihar Imo.
Ana sa ran Anyanwu zai kalubalanci zaben gwamnan jihar mai ci, Hope Uzodimma na jam’iyyar All Progressives Congress, APC.
Sakataren tsare-tsare na jam’iyyar adawa ta jihar Lawrence Biado, ya ce kwamitin zabe na mutum bakwai da kwamitin ayyuka na kasa karkashin jagorancin Kenneth Okon ya kafa, sun hallara domin sanya ido kan zaben fidda gwani da aka gudanar a Imo.
Sai dai an tattaro cewa wani tsohon gwamnan jihar Emeka Ihedioha bai fito fili ba a lokacin zaben fidda gwani.
Subscribe to Our VIP Newsletter
[newsletter_signup_form id=1]
