Jam’iyyar PDP ta sake dage ziyarar yakin neman zaben ta a jihar Kebbi.
Jam’iyyar ta ce dan takararta na shugaban kasa, Atiku Abubakar, zai kasance a jihar a ranar 28 ga watan Janairu, kamar yadda NAN ta ruwaito.
Sani Dododo, shugaban kwamitin yada labarai na jihar kan yakin ne ya bayyana hakan a wata sanarwa da ya fitar a Birnin Kebbi ranar Laraba.
Dododo ya ce an dauki matakin ne bisa wasu tsare-tsare da kwamitin yakin neman zaben shugaban kasa ya yi.
“Yakin neman zaben shugaban kasa, wanda aka shirya gudanarwa a ranar Asabar, 12 ga Nuwamba, za a gudanar da shi a ranar Asabar, 28 ga Janairu, 2023.
“Duk kwamitocin da aka kafa za su ci gaba da gudanar da yakin neman zabe cikin sauki.
“Ina so in yi amfani da wannan kafar domin bayyana nadama kan dage zaben; duk da haka, ina so in roki dukkan magoya bayansa da su ci gaba da shirye-shiryen taron.
“Hakazalika, kwamitin ya yi gargadi da kakkausar murya cewa ya kamata mambobin su daina yada jita-jita da kuma maganganun da ke iya haifar da rashin hadin kai a tsakanin ‘ya’yan jam’iyyar,” in ji shi.
Subscribe to Our VIP Newsletter
[newsletter_signup_form id=1]
