Dr Alex Otti, dan takarar gwamna na jam’iyyar Labour Party LP, a jihar Abia, ya bayyana cewa jam’iyyar PDP ta mutu kuma za a binne ta a rumfunan zabe ranar 11 ga watan Maris.
Ya yi wannan jawabi ne a wani liyafa da gidauniyar CY Nwankwo ta shirya domin karrama shi wanda ya gudana a karamar hukumar Isiala Ngwa ta jihar Abia a karshen mako.
Otti ya yi takama da cewa jam’iyyar Labour ta kashe PDP, bayan da ta lashe daya daga cikin kujerun sanatoci uku da kuma kujeru shida na majalisar wakilai a jihar Abia a zaben ‘yan majalisun tarayya da hukumar zabe mai zaman kanta ta kasa INEC ta gudanar a ranar 25 ga Fabrairu, 2023.
Karanta Wannan: Muna da shaidar cewa Obi ne ya lashe zabe – LP
Da yake bayyana jam’iyyar LP a matsayin jam’iyyar da ke kan gaba a jihar Abia, ya kuma kara da cewa PDP a yunkurinta na darewa kan karagar mulki ta tafi gari da farfaganda a kansa.
Kalamansa: “Idan kuka saurara, za ku ji duk abubuwan da ke fitowa daga wannan gwamnatin jihar ta PDP. Yadda za su haifar da tashin hankali, yadda za su tabbatar da cewa ba za a yi zabe ba, yadda za su rubuta sakamakon, yadda za su yi amfani da kudi da sayen kowa da kowa da sauran su. ”
Ya ci gaba da cewa: “Sun kuma yi gaba wajen sake nada wasu bata gari da suka kora a baya (ciki har da shugaban kwamitin rikon kwarya na kananan hukumomi).
“Ina tsammanin suna mayar da martani kamar mutumin da ke nutsewa. Amma sun riga sun nutse kuma za mu binne su a ranar 11 ga Maris 2023.”
Otti ya kara da cewa: “Idan kun duba sararin samaniyar kafofin sada zumunta, duk abin da suke yi yanzu shine fitar da rahotannin karya da ake zargin suna fitowa daga gare ni. Daya daga cikin abubuwan da suka fada shi ne, zan kori yawancin ma’aikatan gwamnati.
“A gaskiya, wadanda gwamnati ta nada ne ke yawo a kafafen sada zumunta daban-daban
Subscribe to Our VIP Newsletter
[newsletter_signup_form id=1]
