Babbar jam’iyyar hamayya PDP, ta kori wani dan majalisar wakilai daga Jihar Imo, Ugochinyere Ikenga, daga jam’iyyar.
Mista Ikenga, wanda ke wakiltar mazabar Ideato North-South a ajalisar wakilai, shi ne mai magana da yawun kungiyar hadin kan jam’iyyun siyasa (CUPP), kuma an kore shi ne bisa zargin rashin da’a da ayyukan da suka saba wa jam’iyyar.
Mai magana da yawun PDP a Jihar Imo, Lancelot Obiak, ya bayyana a cikin wata sanarwa ranar Juma’a cewa shugabannin jam’iyyar na karamar hukumar Ideato North ne suka yanke hukuncin korar Mista Ikenga.
“Korar ta biyo bayan rahoton kwamitin ladabtarwa na jam’iyyar ne, mai dauke da kwanan wata 27 ga Nuwamba, 2024, wanda ya gudanar da bincike kan zarge-zargen rashin da’a da ake yi wa Ugochinyere, bisa tanadin Sashe na 57 (1-4) na kundin tsarin mulkin PDP na 2017 da aka gyara,” in ji Mista Obiak.
Ya ce shugabannin PDP na karamar hukumar Ideato North sun zargi Mista Ikenga da aikata manyan laifukan rashin ladabi, ƙin bin umarni, da kuma ayyuka masu ma’ana da suka ci karo da manufofin jam’iyyar.
“Tun da farko, an dakatar da ɗan majalisar a matakin mazabarsa ta Umuopia/Umukegwu a ranar 14 ga Oktoba, 2024, bayan ya ƙi amsa gayyatar kwamitin shugabannin mazabar a ranar 5 ga Oktoba, 2024, don amsa zarge-zargen rashin da’a.
Har ila yau, ya ƙi mayar da martani kan tunatarwa da ƙarin gayyata da aka tura masa a ranar 7 ga Oktoba, 2024,” in ji Obiak.
Subscribe to Our VIP Newsletter
[newsletter_signup_form id=1]
