PDP da Fubara ne suka amince APC ta nada ni Minista – Wike

Ministan babban birnin tarayya, Nyesom Wike, ya yi ikirarin cewa jam’iyyar PDP da Gwamna Siminalayi Fubara su ne suka amince da nada shi a matsayin ministan babban birnin tarayya.

Wike ya ce ya rubuta wa PDP a kowane mataki lokacin da Shugaba Bola Tinubu ya ba shi mukamin minista.

Da yake gabatar da shirin a Channels TV, Siyasa A Yau, Wike ya ce PDP da Fubara sun nemi ya karbi mukamin.

“Kafin na dauki wannan nadin na rubutawa PDP. Na rubuta wa PDP ta kasa; Na rubutawa shiyya ta PDP; Na rubuta wa PDP a jiha ta.

“Gwamna na kuma ya sanya hannu kan wata takarda cewa in dauki wannan nadin.

“Eh, gaskiya ne. Jam’iyyar shiyyar ta rubuta cewa in karba,” inji shi.

Tinubu ya nada Wike a matsayin Ministan babban birnin tarayya Abuja bayan nasarar da ya samu a zaben shugaban kasa da ya gabata.

A lokacin zaben 2023, Wike ya yi wa Tinubu aiki da dan takarar shugaban kasa na PDP a lokacin, Atiku Abubakar.

Sai dai jim kadan bayan nada shi ministan babban birnin tarayya, Wike ya yi kaca-kaca da wanda ya gaje shi, Gwamna Fubara, bisa zarginsa na dora zabinsa da dokokinsa kan sabon Gwamna.

Tun daga lokacin ne jihar ta fada cikin rikici.

Subscribe to Our VIP Newsletter

[newsletter_signup_form id=1]