Masani kan musayar ‘yan wasa, Fabrizio Romano ya ce Victor Osimhen zai iya barin Napoli a bazara mai zuwa.
Osimhen zai rage shekara daya a kwantiraginsa da zakarun Seria A nan da bazara mai zuwa.
Dan wasan na Najeriya ya cimma yarjejeniya ta baki kan sabon kwantiragin shekaru biyu da Napoli a bazara amma rikicin bidiyo na baya-bayan nan na TikTok ya haifar da cece-kuce tsakaninsa da kulob din.
A cewar Romano, har yanzu babu wata yarjejeniya tsakaninsa da Napoli kan sabon kwantaragi.
“Daga abin da nake ji mutane, a halin yanzu, farkon Nuwamba, har yanzu babu wata yarjejeniya tsakanin Napoli da Victor Osimhen,” Caughtoffside.com ya nakalto Romano.
“Har yanzu kwantiragin ya yi nisa don haka ana jin cewa Victor Osimhen na iya barin kungiyar a kasuwar musayar rani ta 2024.”
Dan wasan mai shekaru 24, ya koma kulob din Naples ne daga kungiyar Ligue 1, Lille a shekarar 2020.
Ya taka muhimmiyar rawa a nasarar Scudetto na Napoli a kakar wasan da ta wuce, inda ya zura kwallaye 26 a wasanni 32 da ya buga.
Subscribe to Our VIP Newsletter
[newsletter_signup_form id=1]
