Victor Osimhen ya ci kwallaye uku na farko a rayuwarsa a wasan da Napoli ta doke Sassuolo da ci 4-0 a filin wasa na Diego Armando Maradona da yammacin Asabar.
Dan wasan na Najeriya a yanzu ya zura kwallaye shida a wasanni hudu da ya buga a dukkanin gasa da Partenopei.
Osimhen ne ya fara zura kwallo a ragar masu masaukin baki a minti na hudu, inda Kvicha Kvaratskhelia ya taimaka.
Haka kuma Kvaratskhelia ne ya taimaka wa Osimhen ya ci kwallo ta biyu a wasan cikin mintuna 19.
Osimhen ya ci na uku da na hudu na Napoli a wasan mintuna 23 da fara wasa.
Yanzu ya zura kwallaye takwas a wasanni takwas da ya buga wa kungiyar Luciano Spalletti a kakar wasa ta bana.
Napoli ta ci gaba da zama ba a doke ta ba a gasar Seria A bana.
Subscribe to Our VIP Newsletter
[newsletter_signup_form id=1]
