Victor Osimhen ya yi daidai da nasarar da Diego Armando Maradona ya samu na zura kwallo a Napoli bayan ya ci kwallaye uku a wasan da kungiyar ta doke Sassuolo da ci 6-1 ranar Laraba.
A cewar shahararren gidan yanar gizon kididdiga, Opta, Osimhen yanzu shine dan wasan Napoli na uku a tarihin kungiyar da ya zura kwallaye goma ko fiye da haka tsawon kaka hudu a jere.
Maradona ya samu nasarar ne tsakanin 1984 zuwa 1988.
Attila Sallustro shine dan wasa na farko da ya kafa tarihin Partenopei, tsakanin 1929/30 da 1932/33).
Osimhen ya zura kwallaye 10 a wasanni 24 na gasar a kakar wasa ta farko (2020/21).
Dan wasan ya bi shi da kwallaye 14 a wasanni 27 da ya buga a kakar wasa ta gaba.
A kakar wasan da ta wuce ya zura kwallaye 26 a wasanni 32 da ya buga.
Dan wasan mai shekaru 25 ya riga ya zura kwallaye 11 a wasanni 15 da ya buga a gasar Seria A wannan kakar.
Subscribe to Our VIP Newsletter
[newsletter_signup_form id=1]
