Dan takarar shugaban kasa na jam’iyyar Labour a zaben 2023, Peter Obi, ya gargadi mazauna jihar Katsina kan kada su zuba kuri’unsu ga jam’iyyun siyasar da suka kasa cika alkawurran zabe.
Obi ya yi wannan kiran ne a lokacin da yake zantawa da jama’a a taron yakin neman zabensa na shugaban kasa a jihar shugaban kasa Muhammadu Buhari.
Aminiya ta ruwaito cewa Obi a yayin da yake jajantawa al’ummar Katsina ya ce, gwamnatocin da suka shude ba su yi nasara ba face kawo wa jama’a kunci da talauci.
“Na san kuna da gwamnati a kodayaushe, amma za ku yarda da ni cewa a kullum ana yaudararku, musamman mutanen da kuka yi yakin neman zabe. Yanzu muna zuwa, kuma ina rokon ku da ku fito ku zabe mu ku ga sabuwar Najeriya.”
Subscribe to Our VIP Newsletter
[newsletter_signup_form id=1]
