Dan takarar shugaban kasa a jam’iyyar PDP, Atiku Abubakar, ya yi ikirarin cewa zai gana da ‘yan takarar jam’iyyar New Nigerian People Party, NNPP, Rabiu Kwankwaso; da jam’iyyar Labour, LP, Peter Obi, don marawa burinsa baya a zabe mai zuwa.
Atiku ya bayyana hakan ne a wata hira da BBC Hausa a ranar Talata.
Da yake amsa tambayoyi a cikin harshen Hausa, Atiku ya yi alfahari da cewa Obi da Kwankwaso ba barazana ce ga damarsa ta yin nasara a zaben da za a yi a ranar 25 ga Fabrairu.
“Ko da yake ni ban ga wata barazana ga kowannensu Obi da Kwankwaso amma muna tattaunawa.
“Tattaunawar na iya haifar da sakamako mai kyau wanda zai ga daya daga cikinsu ya zo.”
Kranta Wannan: Tambuwal ya rasa ta hannun damarsa bayan ziyarar Atiku
Atiku ya kuma yi tsokaci kan rikicin da ke kunno kai a cikin jam’iyyar PDP.
A cewarsa, kowace jam’iyya tana da rikicin cikin gida, kuma za a magance nasu nan ba da dadewa ba.
“Kowace jam’iyya na da rikicin cikin gida, har yanzu muna tattaunawa da su. Tabbas hakan ba zai sa mu fadi zabe ba domin ba mu da kyau a shirye-shiryen zabe a yanzu,” inji shi.
Subscribe to Our VIP Newsletter
[newsletter_signup_form id=1]
