Tsohon shugaban Najeriya, Olusegun Obasanjo, ya yi Allah-wadai da aikin hanyar Legas zuwa Calabar da gwamnatin Shugaba Bola Ahmed Tinubu ta yi.
A cewar tsohon shugaban, aikin wanda zai lakume Naira Tiriliyan 15.6 idan an kammala shi, barna ne da almundahana.
Ya kuma bayyana ginin gidan mataimakin shugaban kasa akan naira biliyan 21 a matsayin almubazzaranci.
Tsohon shugaban na Najeriya ya bayyana hakan ne a babi na shida na sabon littafinsa mai suna ‘Nigeria: Past and Future,’ inda ya bayyana cewa shugabannin Najeriya sun hau karagar mulki ne domin yin sata da arzuta kansu.
Ya ce: “Komai ana cewa ciniki ne, kuma taken shi ne ‘Sai na ne in sara.
“Misalan almubazzaranci da rashawa da cin hanci da rashawa da abubuwan da ba a ba su fifiko su ne titin Legas zuwa Calabar mai cike da rudani, wanda shugaban kasa ya yi kunnen uwar shegu da zanga-zangar, da kuma sabon gidan mataimakin shugaban kasa da aka gina kan kudi naira biliyan 21 a lokacin da ake fama da matsalar tattalin arziki domin nuna yadda gwamnati ta yi kasa a gwiwa da kuma nuna muhimmancin ofishin mataimakin shugaban kasa. Waɗanda ƙananan hankali ne!”
Subscribe to Our VIP Newsletter
[newsletter_signup_form id=1]
