Obaseki ya kafa kwamitin sulhu na magance rikicin PDP a

Gwamnan Edo Godwin Obaseki, ya kafa kwamitin zaman lafiya a ranar Lahadi a Benin, domin warware rikicin da ya dabaibaye jam’iyyar PDP reshen jihar.

Kwamitin yana kunshe da tsohon Gwamna Lucky Igbinedion a matsayin shugaban kwamitin.

Obaseki ya bayyana hakan ne a wajen kaddamarwar, inda ya ce, sun dauki matakin ne domin dakile yuwuwar shan kaye a jam’iyyar PDP a jihar a zaben 2023 mai zuwa.

Mambobin jam’iyyar PDP 135 da suka halarci taron sun fito ne daga kwamitin zartarwa na kasa, kwamitin zartarwa na jiha da na shiyya.

1. Gwamnan ya ce, an kira taron ne domin warware duk wata rigima a cikin jam’iyyar domin samun nasara a zaben 2023 mai zuwa.

Obaseki ya ce taron ya zama dole ne biyo bayan kayen da jam’iyyar APC da Social Democratic Party (SDP) suka yi wa jam’iyyar PDP a zaben gwamnan Ekiti da aka yi ranar Asabar.

Ya ce, don gudun kada a sake samun nasara a zaben Ekiti a zaben shugaban kasa a 2023, PDP a Edo na bukatar hada kai tare da warware sabanin da ke tsakanin ‘ya’yan kungiyar tare da hada kowa da kowa domin samun nasara.

Subscribe to Our VIP Newsletter

[newsletter_signup_form id=1]