NSCDC ta gano haramtaccen wajen adana fetur a Kudu

Hukumar tsaro ta civil defense reshen Jihar Akwa Ibom ta ce, ta gano wani haramtaccen wurin adana man fetur da ke yankin Eket na jihar.

Wata sanarwa da hukumar ta fitar ta ce dakarunta sun kama mutum biyu da ake zargi da mallakar wurin.

Cikin abubuwan da dakarun suka gano a wurin akwai duro 130 na gurɓataccen gas ɗin girki, da injinan ɗiban mai biyar, da injinan lantarki uku.

Sauran abubuwan sun haɗa da mota ƙirar Ford, da motar a-kori-kura ɗaya, da jarakunan mai 27, da kuma mesar jan mai masu tsawo daban-daban.

Jami’an tsaro a Najeriya na ƙara ƙaimi wajen yaƙi da masu satar fetur yayin da hukumomi cewa ƙasar na asarar biliyoyin naira duk wata sakamakon fasa bututan man da ɓarayi ke yi a yankin Neja-Delta.

Subscribe to Our VIP Newsletter

[newsletter_signup_form id=1]