NNPP ta caccaki APC a kan zawarcin Kwankwaso

Shugaban jam’iyyar New Nigeria People Party (NNPP) na kasa, Farfesa Alkali Ahmed Rufa’i, Alkali a jiya ya caccaki jam’iyyar APC kan neman dan takararta na shugaban kasa kuma tsohon gwamnan jihar Kano, Sanata Rabi’u Kwankwaso ya dawo jam’iyyarsu.

Alkali ya yi Allah-wadai da wata sanarwa da mataimakin sakataren yada labaran jam’iyyar APC na kasa Yakubu Ajaka ya yi kira ga Sanata Rabi’u Kwankwaso da ya koma APC saboda yana da damar zama shugaban kasa a dandalin jam’iyyar a nan gaba.

Sai dai Alkali a wata sanarwa da ya sanyawa hannu jiya a Abuja, ya ce irin wannan tunanin kamar na wani ne da ya nutse yana neman tallafi.

Ya ce, da Ajaka ya yi nazari kan halin da al’ummar kasar ke ciki da ya lura da yadda ‘ya’yan jam’iyyar APC ke ficewa a halin yanzu da kuma na sauran jam’iyyu zuwa NNPP.

Subscribe to Our VIP Newsletter

[newsletter_signup_form id=1]