Karamin Ministan Fetur, ya ce, NNPC ta na tafka asara wajen sayar da mai, saboda umarnin gwamnatin Tarayya kan batun tallafi.
Timipre Sylva ya shaida hakan ne adaidai lokacin da dillalan man fetur ke cewa suna fuskantar karanci mai lamarin da ka iya sake ta’azzara wahalar man har zuwa watan Yuni, saboda shirin gwamnati na janye tallafi baki É—aya a wannan watan.
Jaridar PUNCH ta rawaito ministan na waÉ—annan maganganu ne a Abuja lokacin bayyana abubuwan da suka aiwatar tsakanin 2015 zuwa 2023 karkashin mulkin Muhammadu Buhari.
A makon da ya gabata, Ministar kuÉ—i da tsare-tsare, Zainab Ahmed ta ce gwamnati ta ware naira tiriliyan 3.6 na tallafi fetur zuwa Yunin 2023.
Sai dai PUNCH ta rawaito Sylva a lokacin zantawa da ‘yan jarida a Abuja, na cewa tallafin babban nauyi ne, sai dai kuma wajibi ne ga NNPC da aka daurawa alhakin tafiyar da harkokin fetur a kasar ta ci gaba da daukar asara.
Gwamnatin Najeriya a ranar Litinin ta bayyana cewa ta zuba hanayen jari a matatun mai hudu da ke shirin soma ayyukansu a sassa daban-daban a faÉ—in Kasar.
Subscribe to Our VIP Newsletter
[newsletter_signup_form id=1]
