Ni ne nafi kowa cancanta na jagoranci Najeriya – Amaechi

Tsohon Ministan Sufuri kuma dan takarar Shugaban kasa a karkashin Jam’iyyar APC, Hon. Chibuike Rotimi Amaechi, ya bayyana kansa a matsayin wanda ya fi kowa cancantar tsayawa takarar shugaban kasa, domin ya san matsalolin kasar nan kuma yana da karfin magance su idan ya zama shugaban kasa a zaben 2023 mai zuwa.

Babban kalubalen da ke addabar Najeriya shi ne batun rashin tsaro Amaechi ya ce yana da iya kuma a shirye yake ya yi amfani da kwarewarsa a tsawon shekaru a matsayinsa na kakakin majalisa da gwamnan jihar Rivers da kuma matsayinsa na minista wajen magance matsalolin.

Amaechi ya bayyana hakan ne a wata gajeriyar ganawar da ya yi da gwamna Abubakar Sani Bello da wakilai da magoya bayan jam’iyyar APC mai mulki a jihar Neja, inda ya jaddada cewa matsalar tsaro a jihar Ribas lokacin da yake Gwamna ya yi muni kamar yadda yake faruwa a Nijar a yau. amma ya samu damar dawo da zaman lafiya a jihar.

Subscribe to Our VIP Newsletter

[newsletter_signup_form id=1]