Ministan Babban Birnin Tarayya kuma tsohon Gwamnan Jihar Rivers, Nyesom Wike, ya soki wanda ya gada, tsohon Gwamnan Jihar Rivers, Peter Odili, yana cewa shine ya farfado da shi a siyasar jihar bayan shafe shekaru a cikin halin koma baya.
Wike ya bayyana hakan ne a cikin wani faifan bidiyo da ya karade kafar sada zumunta ta X a ranar Lahadi.
Maganganun Wike sun biyo bayan kalaman da Odili ya yi na cewa Gwamna Siminilayi Fubara na Jihar Rivers ya hana Wike mayar da jihar tamkar mallakar kansa.
Da yake mayar da martani, Wike ya ce:
“Abin takaici ne abin da tsohon gwamna ya fada. Wannan mutumin da ya kamata ace dattijo ne kuma uba. Ya ce shugaban kasa ya hana wani dan siyasa, mutum daya da ke kokarin maida Jihar Rivers tamkar kadararsa.
“Kuna tuna lokacin da nake gwamna, Odili ya yabi ayyukana sosai. Har ma ya ce babu wani gwamna da ya hada ayyuka kamar yadda na yi. Me yasa a shekarar 2007, bayan ya bar mulki, bai iya kusantar mulki ba saboda Ameachi yana kan mulki? Ya kau. Amma lokacin da na zama gwamna a shekarar 2015, ni ne na dawo da shi cikin siyasa.”
Wike ya kara da cewa yana maida hankali kan aikinsa a matsayin Ministan Babban Birnin Tarayya.
Subscribe to Our VIP Newsletter
[newsletter_signup_form id=1]
