Hukumar kula da kwallon kafa ta Najeriya NFF ta karrama kungiyar kwallon kafar mata ta kasa Super Falcons a bikin ranar mata ta duniya.
Hukumar NFF ta yi bikin murnar matan ta Super Falcons a shafinta na Twitter da sako da hotuna biyu.
“Barka da ranar mata ta duniya! @NGSuper_Falcons #SoarSuperFalcons,” in ji NFF.
Karanta Wannan: Fernandes zai cigaba da jan ragamar kyaftin – Ten Hag
Super Falcons ita ce tawagar mata da ta fi samun nasara a Afirka.
Falcons sun lashe kofin Afirka sau tara kuma sun halarci kowane bugu na gasar cin kofin duniya ta mata ta FIFA.
Tawagar Randy Waldrum za ta fafata a gasar cin kofin duniya ta mata ta FIFA ta 2023 da Australia da New Zealand za su dauki nauyin shiryawa a watan Yuni 2023.
Ranar Mata ta Duniya (IWD) rana ce ta duniya da ke murnar nasarorin zamantakewa, tattalin arziki, al’adu da siyasa na mata. Ranar kuma tana yin kira ga aiki don haɓaka daidaiton jinsi.
Subscribe to Our VIP Newsletter
[newsletter_signup_form id=1]
