A wani bangare na kokarin tabbatar da bikin Sallah ƙarama ba tare da hatsari ba, Hukumar Ba da Agajin Gaggawa ta Kasa (NEMA) ta hada hannu da hukumar kiyaye hadurra ta kasa (FRSC), domin tabbatar da zirga-zirgar ababen hawa da kuma daukar matakan gaggawa a yayin bikin Eid-el Fitr.
Da yake jawabi yayin kaddamar da atisayen mai taken, “Operation Eagle Eye, Safe Eid-el Fitr”, shugaban ofishin NEMA na Benin, Dahiru Yusuf, ya ce, atisayen wani bangare ne na hadin gwiwa da FRSC da sauran masu ruwa da tsaki wajen kai daukin gaggawa. .
A cewarsa, shirin wayar da kan jama’a a kan hatsarin tituna an yi shi ne, don tallafa wa kokarin da hukumar FRSC reshen jihar Edo ke yi na dakile kashe-kashe da asarar rayuka a yayin bikin.
Ya bayyana cewa, an yi hakan ne domin tallafa wa masu ruwa da tsaki wajen shawo kan bala’o’i, wajen taimaka wa hukumar FRSC wadda ita ce kan gaba wajen rage hadurra a kan tituna da kuma gaggauta daukar matakan gaggawa a jihar.
Subscribe to Our VIP Newsletter
[newsletter_signup_form id=1]
