Hukumar hana sha da fataucin miyagun kwayoyi ta kasa, NDLEA, ta kama wasu adadi mai yawa na Methamphetamine, Cocaine, da Cannabis sativa da aka shirya don fitarwa zuwa kasashen Australia, China, Qatar, Ireland da Thailand ta wasu kamfanonin jigilar kayayyaki a Legas.
Kakakin hukumar ta NDLEA, Femi Babafemi, a wata sanarwa da ya fitar a ranar Lahadi, ya ce, jami’an na hukumar ta DOGI ne suka samu nasarar hakan.
Ya ce, yayin da aka kama kilo 2.9 na Methamphetamine a cikin fakitin baƙar miya da injin toner da ke kan hanyar zuwa Australia da Qatar; Giram 600 na Cocaine wato hodar Iblisi da aka boye a cikin takardun makaranta da ke zuwa Australia da Thailand an kama su daidai.
Babafemi ya kara da cewa, an kuma kama tabar wiwi kasa da ta kai kilogiram 25.5 da aka boye a cikin fakitin sabulun Dudu Osun da dalolin dabino (banga) da ke kan hanyar zuwa kasashen China da Ireland a wani kamfanin jigilar kayayyaki da ke Legas.
A halin da ake ciki, an kwato kilogiram 2,293.324 na haramtattun kwayoyi da kuma Naira 791, 100 a wasu manyan samame da jami’an tsaro suka kai a jihohin Ogun, Ribas da Enugu a cikin makon da ya gabata.
A cewar Babafemi, a Ribas, a ranar Alhamis, 24 ga watan Maris, jami’an tsaro sun kai samame a sannnaniyar ruwa ta Abuja da ke birnin Fatakwal, bayan bayanan da aka kama suka bayar, kan hanyoyin samar da kayayyaki.
Subscribe to Our VIP Newsletter
[newsletter_signup_form id=1]
