Hukumar da ke yaki da safarar miyagun kwayoyi ta kasa, ta kama wasu fitattun mawaka biyu na Gambara da wasu mutane hudu dauke da muggan kwayoyi a wani samame da suka kai musu a wani gida da ke cibiyar hada-hadar kasuwanci ta Legas a ranar Alhamis.
Mai magana da yawun hukumar yaki da sha da fataucin miyagun kwayoyi, Femi Babafemi ya shaidawa kamfanin dillancin labaran Faransa na AFP cewa, an samu wasu nau’ukan tabar wiwi tare da mawakin Gambara na rap wato Zinoleesky da Mohbad da wasu mutane hudu da ake zargi a gidansu da motarsu.
“Jami’an mu sun kai farmaki gidan da ke cikin Estate Idado da sanyin safiyar yau,” in ji shi.
“An kama mutane shida, maza hudu mata biyu. An kwato wasu adadin tabar Wiwi daga gidansu da motarsu. “
Babafemi ya ce, za a gurfanar da wadanda ake zargin a gaban kotu bayan bincike.
Subscribe to Our VIP Newsletter
[newsletter_signup_form id=1]
