Jami’an hukumar yaki da sha da fataucin miyagun kwayoyi ta kasa NDLEA sun kama wani mai wa’azi da kuma babban mai kula da cocin Christ Living Hope, Rabaran Ugochukwu Emmanuel bisa zargin dauke da sanduna 54 na kwayoyi.
Sanarwar da hukumar ta fitar a ranar Lahadin ta bayyana cewa, an kama wanda ake zargin ne a filin jirgin sama na Murtala Muhammed da ke Legas, a lokacin da yake kan hanyarsa ta zuwa birnin Nairobin kasar Kenya.
Rabaran Ugochukwu, wanda aka kama a ranar Litinin da ta gabata, a wani waje da wasu fasinjojin da ke cikin jirgin Ethiopian Airlines zuwa Nairobi ta hanyar Addis Ababa, an ce ya nade magungunan a jikinsa.
“Lokacin da aka gwada, sandunan 54 sun tabbatar da ingancin tabar wiwi. Limamin ya yi ikirari a yayin wata tattaunawa ta farko da aka yi da shi cewa, ya tattara haramtattun abubuwa a jikinsa domin yin amfani da shi a lokacin yakin sa’addan da ya yi na tsawon makonni uku a Kenya,” in ji kakakin NDLEA, Femi Babafemi a cikin sanarwar.
Hakazalika, an kama wani fasinja mai suna Nnakeanyi Chukwuka King da buhunan hodar Iblis guda 40 da aka boye a cikin kwalabe na kirim mai nauyin kilogiram 9.70. An kwato su daga wurinsa ne a lokacin da ake gudanar da bincike.
An kama shi a dakin taro na E-Arrival Hall na MMIA kuma ya hau jirgin saman Habasha daga Sao Paulo na Brazil ta Addis Ababa.
Subscribe to Our VIP Newsletter
[newsletter_signup_form id=1]
