Hukumar yaƙi da miyagun ƙwayoyi NDLEA, ta kama wata mace da ta kira “Sarauniyar Ƙwaya” a Jihar Taraba, sakamakon zarginta da ta’ammali da tabar wiwi.
Sanarwar da NDLEA ta fitar a yau Laraba ta ce, jami’anta sun kama Lami Mai Rigima a Ƙaramar Hukumar Ardo Kola ranar Litinin da ta gabata.
Hukumar ta ce, ta fara neman Lami tun daga Oktoban 2021, lokacin da aka kama da gurfanarwa da ɗaure wani mai suna Abdullahi Madaki mai shekara 50.
An kama sarauniyar da tabar wiwi da ta kai nauyin kilo 150 giram, a cewar NDLEA.
Kazalika, hukumar ta kama wani mai suna Emeka Okiru mai shekara 40 da zargin mallakar ƙwayar tramadol 32,700 a Adamawa.
Subscribe to Our VIP Newsletter
[newsletter_signup_form id=1]
