Hukumar yaki da sha da fataucin miyagun kwayoyi ta kasa NDLEA, ta kama wasu buhunan hodar ibilis guda 101 da aka boye a cikin kwalayen yara takwas a filin jirgin sama na Murtala Muhammed International Airport (MMIA), Ikeja, Legas.
Kakakin ta Femi Babafemi, a wata sanarwa da ya fitar a ranar Lahadi, ya ce, wani dan kasar Brazil mai shekaru 52 da ya dawo gida, Akudirinwa Hilary Uchenna wanda ya fito daga karamar hukumar Oru ta Gabas ta jihar Imo ne ya shigo da wannan haramtaccen maganin.
Sanarwar ta ce, an kama wanda ake zargin ne a ranar Asabar 9 ga watan Afrilu a dakin taro na D-Arrival Hall na filin jirgin sama na Legas a lokacin da ya dawo daga Sao Paulo Brazil ta Doha a cikin jirgin Qatar Airline yayin da fakiti 101 na magungunan class A mai nauyi sosai. An kwato kilogiram 13.2 daga cikin jakar rajista daya tilo.
Subscribe to Our VIP Newsletter
[newsletter_signup_form id=1]
