NDLEA ta kama dillalin kwaya a Legas

Date:

October 9, 2022

Shahararren dillalin kwaya da aka kama a Legas ba zai yi wani lokaci a gidan yari ba duk da hukuncin da aka yanke masa.

Hukumar hana sha da fataucin miyagun kwayoyi ta kasa NDLEA ta kama Alhaji Surajo Mohammed.

Jami’an yaki da fataucin miyagun kwayoyi sun kama shi a ranar 20 ga Disamba, 2021, a unguwar Alaba Rago da ke Ojo, Legas.

Wanda aka yankewa laifin, yana da kilogiram 941.15 na tabar wiwi a hannunsa, an gurfanar da shi a gaban kotu mai lamba FHC/L/370c/2021.

A ranar 6 ga watan Oktoba ne aka kawo karshen shari’ar Mohammed a babbar kotun tarayya da ke Legas.

A hukuncin da ya yanke, mai shari’a Yellin Bogoro ya yanke masa hukuncin daurin shekaru bakwai a gidan yari.

Sai dai alkalin ya baiwa Mohammed zabin tarar Naira miliyan 7, wanda ke nufin za a sake shi bayan ya biya.

A ranar Lahadin da ta gabata ne hukumar NDLEA ta sanar da kama fiye da kwayoyin Tramadol miliyan 2.4 daga kasar Pakistan.

[newsletter_signup_form id=1]