Hukumar hana sha da fataucin miyagun kwayoyi ta kasa, NDLEA, ta kama mutane 58 da ake zargin suna amfani da miyagun kwayoyi a jihar Kano a filin wasa na Sani Abacha.
Sabuwar rundunar ‘Operation Hana Maye’ da aka kaddamar ta yi kamen ne biyo bayan wani samame da aka kai da nufin yaki da safarar miyagun kwayoyi a jihar.
Sadik Muhammad Maigatari, kakakin rundunar ya ce, “a wani bangare na aikin, an samu nasarar kai samame a filin wasa na Sani Abacha, inda aka kama mutane 58 da ake zargi tare da kwato wasu haramtattun abubuwa.”
Ya kuma bayyana cewa an kai sumamen ne da yammacin ranar Laraba, 17 ga watan Janairu, 2024.
Subscribe to Our VIP Newsletter
[newsletter_signup_form id=1]
