Kungiyar tsaro ta NATO ta ki amincewa da rokon da Ukraine ta gabatar mata na sanya dokar hana shawagin jiragen sama a wasu sassan kasar domin kare jama’a daga hare-haren sama na Rasha.
BBC ta rawaito cewa, kungiyar na cewa hakan ka iya sa yakin ya fantsama a Turai.
Bayan ganawa da ministocin harkokin waje na kasashen Turai, babban Sakataren kungiyar ta NATO Jens Stoltenberg, ya ce an cimma matsaya cewa jiragen saman yaki na kungiyar da dakarunta ba za su yi aiki a yanki ko sararin samaniyar Ukraine ba.
Mista Stoltenberg ya yi kira ga Rasha da ta dakatar da hare-haren da take kaiwa
Ya ce ”tun watanni da dama, muka yi gargadi cewa Shugaba Putin na da niyyar mamaye Ukraine. Abin da ya sa kenan kawayen NATO suka yi ta kai gauro suna kai mari domin samar da maslahar diflomsasiyya”.
A hakan kuma muka yi gargadin cewa Rasha za ta dandana kudarta a kan sabbin hare-haren da take kai wa Ukraine.
Kasashen NATO da dama na ta aika wa Ukraine makamai, sannan kuma kungiyar na karfafa tsaronta a baryar gabas.
Subscribe to Our VIP Newsletter
[newsletter_signup_form id=1]
