Shugaban kasa Muhammadu Buhari, a ranar Juma’a, ya sake jaddada aniyar Najeriya na rage hayaki mai gurbata muhalli, inda ya bayyana shirin kawar da amfani da man kananzir a ƙasar nan da shekarar 2030 a matsayin daya daga cikin matakan da za a dauka.
Shugaba Buhari, wanda ya bayyana hakan a yayin wani taron tattaunawa da shugaban kasar Amurka, Joe Biden, ya jagoranta kan taron tattalin arziki kan makamashi da sauyin yanayi (MEF), ya kuma lissafa karuwar amfani da motocin bas wajen safarar jama’a da rage yawan jama’a da kona ragowar amfanin gona a matsayin sassan shirin
Bayanin na Buhari ya zo ne bayan shekaru 10 da gwamnatin tarayya tare da hadin gwiwar masu ruwa da tsaki a harkar man fetur suka fara tsara sabuwar manufar kawar da kananzir da itace da kuma maye gurbinsu da Liquefied Petroleum Gas (LPG) wanda aka fi sani da iskar gas.
Subscribe to Our VIP Newsletter
[newsletter_signup_form id=1]
