Gwamna Inuwa Yahaya na jihar Gombe, a ranar Talata, ya ce nan ba da dadewa ba ‘yan Najeriya za su ci gajiyar rarar tallafin man fetur.
Yahaya ya bayyana hakan ne a Gombe yayin da yake kaddamar da kashi na biyu na rabon tallafin jin kai ga mazauna jihar.
Ya bayyana cewa shugaban kasa Bola Tinubu tare da hadin gwiwar gwamnonin jihohi na kara zage damtse wajen ganin an kawo karshen wahalhalun da ake samu sakamakon cire tallafin man fetur.
Ya ce ana zuba jari da dama da nufin fitar da ‘yan Najeriya daga halin kuncin da suke ciki na tattalin arziki.
“Addu’ar mu ce wannan abu (wahala) ya kare da yardar Allah kuma da kudurin Shugaban kasa da gwamnoni, za mu tabbatar da cewa Nijeriya ta samu kwanciyar hankali.
“Za mu yi sauri da sauri don kawo karshen wahalhalun da cire tallafin ya haifar.
“Babban dalilin da ya jawo wahalhalu shi ne janye tallafin man fetur amma daga yau matatar mai ta Fatakwal tana ci gaba da hakowa.
“Nan ba da jimawa ba za mu samu albarkatun man fetur din da aka tace a cikin gida ya kai ga jama’a kuma babu dalilin da zai sa irin wadannan kayayyakin da ake kerawa a cikin gida za su yi tsada kamar abin da ya kashe mutane a yanzu,” inji shi.
Gwamnan ya yabawa mazauna jihar da ‘yan Najeriya bisa hakurin da suka yi tun bayan cire tallafin tare da ba su tabbacin kwana mai kyau a gaba.
Subscribe to Our VIP Newsletter
[newsletter_signup_form id=1]
