Hukumar da ke Lura da Inganci da Tsaftar Abinci ta Saudiyya (GFSA) ta ce, kusan tan 600,000 na nama ne ke lalacewa duk shekara a ƙasar.
Hukumar ta faɗi hakan ne a lokacin da take bayyana yawan nama da kajin da aka yi asara ko ya lalace a ƙasar.
GFSA ta ce nama na ɗaya daga cikin abinci mai muhimmanci a ƙasar, to amma ta ce ana barin da yawa yana lalacewa. In ji BBC.
Fiye da tan 444,000 na naman kaji ne ya lalace, yayin da fiye da tan 110,000 na sauran naman dabbobi ya lalace cikin wannan shekara.
Hukumar ta kuma ce ɗaya daga cikin dalilan da suke janyo lalacewar naman shi ne sayensa da ake yi da yawa, ba tare kuma da amfani da shi ba, sannan kuma da dafa abincin da ya fi ƙarfin buƙata.
Subscribe to Our VIP Newsletter
[newsletter_signup_form id=1]
