Gernot Rohr, Tsohon mai horar da ‘yan wasan Super Eagles, Gernot Rohr, ya bayyana manyan matsaloli guda biyu da ‘yan wasan kasar Kamaru za sufuskanta a karawar da za su yi da Najeriya ranar Asabar.
A lokacin da yake ganawa da manema labarai, Rohr ya ce, Kamaru na fama da matsalar mai tsaron raga, inda aka zura mata kwallaye shida a wasanni uku da aka buga a matakin rukuni, wato kusan sau biyu a wasa.
Wata matsalar da ya nuna ita ce tabarbarewar dangantaka tsakanin mai tsaron gida Andre Onana da koci Rigobert Song.
Rohr ya yi hasashen cewar, Super Eagles za ta sake doke Kamaru kamar yadda suka yi a zagaye na 16 na gasar AFCON na 2019.
Rohr ya kara da cewar Najeriy ta na da mafi kyawun dan wasa a Afirka, domin haka ya tabbata za su tsallake zuwa gasar, amma zai yi wahala saboda Kamaru ta sake samun karfi da wannan nasara da ta yi da Gambiya.
Indomitable Lions za su kara da Super Eagles a wasan zagaye na 16 na gasar cin kofin nahiyar Afirka da ake yi a bana na shekarar 2023, a filin wasa na Felix Houphouet Boigny dake Abidjan a kasar Cote d’ivoire.
Subscribe to Our VIP Newsletter
[newsletter_signup_form id=1]
