Ministan wasanni na Najeriya, John Owan Enoh, ya ce ƙasarsa na tattaunawar diflomasiyya da Italiya game da taƙaddamar da ta taso tsakanin Victor Osimhen da ƙungiyar Napoli da yake buga wa wasa.
A ranar Alhamis, Mr Enoh ya ce ya yi baƙin cikin yadda Napoli ta yi ƙoƙarin cin fuskar ɗan wasan.
Ƙungiyar ta wallafa wani bidiyo a shafinta na TikTok, wanda ya nuna yadda Osimhen ya gaza cin bugun fanariti.
Tuni ƙungiyar ta cire bidiyon bayan ƙorafin da aka yi, sai dai wakilin ɗan wasan ya yi barazanar ɗaukar mataki na shari’a kan ƙungiyar.
Ministan ya ce Najeriya na mutunta walwalar ƴan wasanta.
A ranar Alhamis, ƙungiyar ta Napoli ta fitar da wata sanarwa, tana cewa ba ta saki bidiyon domin cin mutuncin ɗan wasan ba, kuma ba ta yi ne domin ci masa fuska ba.
Subscribe to Our VIP Newsletter
[newsletter_signup_form id=1]
