Gwamna Chukwuma Soludo na jihar Anambra ya yabawa shugaban kasa Bola Tinubu bisa jajircewarsa na kawo karshen tallafin man fetur.
Soludo, wanda ya yi magana a ranar Talata yayin taron wakilan kungiyar malamai ta Najeriya (NUT), reshen jihar Anambra karo na tara (7th Quadrennial), ya bayyana cire tallafin a matsayin wanda ya dace.
Soludo ya bayyana cewa cirewar na da damar sake farfado da tattalin arzikin kasar.
Ya ce: “Lokaci ya yi da kasar nan ta farka da gaskiyar cewa kasa ce matalauta kuma ta fara rayuwa daidai gwargwado.
“Tun daga wadanda ke kan shugabanci, akwai bukatar a fara rayuwa tare da nunawa jama’a cewa Najeriya kasa ce matalauta.
“Gaskiyar cire tallafin ya shafi kowa, ba ma’aikatan gwamnati kadai ba. Shirin gwamnatin yanzu na rage tasirin ya kasance mai tattare da komai, gami da kokarin gaggawa da matsakaita.”
Soludo ya ce gwamnatinsa za ta dauki karin malamai kuma za ta ci gaba da bai wa ‘yan kasa ilimi mai sauki da inganci.
Subscribe to Our VIP Newsletter
[newsletter_signup_form id=1]
