Shahararren dan jarida kuma mai magana da yawun kungiyar yakin neman zaben Bola Tinubu, Bayo Onanuga, ya ce shi ne ya gabatar da Farfesa Yemi Osinbajo ga gwamnan jihar Legas na wancan lokaci, Bola Tinubu, a shekarar 1999, shawarar da a yanzu ya yi nadama.
Onanuga ya bayyana haka ne a wata sanarwa da ya fitar a ranar Litinin da ta gabata, yayin da yake mayar da martani ga wata hira da jaridar PUNCH ta yi da tsohon sakataren rusasshiyar jam’iyyar Congress for Progressive Change, Buba Galadima, wanda ya caccaki Osinbajo kan ya jajirce wajen yin takara da Tinubu, tsohon ubangidansa.
A cikin labarinsa, Onanuga ya ce Osinbajo malami ne a shekarar 1999 lokacin da Tinubu ke hada majalisar ministocinsa a gaban Otunba Gbenga Daniel (daga baya gwamnan jihar Ogun) da Dele Alake (wanda daga baya kwamishinan yada labarai na Legas).
Ya tuna cewa Tinubu ya rubuta sunan Bayo Oriola a matsayin kwamishinan shari’a kuma babban lauyan jihar Legas a lokacin da ya bukaci Tinubu ya zabi abokinsa Osinbajo a maimakon haka. In ji Punch.
Subscribe to Our VIP Newsletter
[newsletter_signup_form id=1]
