Na yafe wa Buhari duk abun da ya yi min – Buba Galadima

Buba Galadima, wanda tsohon abokin marigayi Muhammadu Buhari ne ya ce ya yafewa tsohon shugaban kasar kan duk abin da ya yi masa.

Buba Galadima na daya daga cikin wadanda suka rattaba hannu kan hadakar da ta haifar da jam’iyyar APC, kuma ya yi aiki tukuru domin zaben Buhari a 2015.

Amma a wani lokaci tsohon sakataren jam’iyyar CPC na kasa ya bar tsohon shugaban kasar ya zama sananne mai sukar gwamnatinsa.

A wata hira da ya yi kwanan nan, Galadima ya bayyana jam’iyyar APC da ‘yan adawar da suka mayar da gidan Buhari Makka a matsayin mutanen banza wadanda ba za su iya bambancewa tsakanin hagu da dama ba, yana mai cewa tsohon shugaban kasar ba shi da wani amfani.

Ya ce Buhari bai dace da siyasar Najeriya ba, don haka ya kamata ya huta ya jira ajalinsa.

Galadima, wanda ya yi ikirarin cewa shi ne mutum na hudu a jerin wadanda suka rattaba hannu kan fom din kafa jam’iyyar APC, ya ce daga baya ya gano cewa Buhari ne mafi girman zamba da aka yi wa Najeriya, inda ya ce tsohon abokinsa ya yi nasarar boye hakikanin abin da ya sa a gaba tsawon shekaru 15.

Shugaban ya rasu ne a ranar Lahadin da ta gabata a birnin Landan na kasar Birtaniya a lokacin da yake jinyar wata cuta da har yanzu ba a bayyana ba.

Da yake magana da harshen Hausa bayan jin labarin rasuwar tsohon shugaban kasa na mulkin soja, Galadima ya ce “…Na yafewa Buhari duk abin da ya yi min a rayuwa…”

Za a yi jana’izar Buhari ranar Talata a mahaifarsa ta Daura, jihar Katsina.

Tawagar Najeriya karkashin jagorancin mataimakin shugaban kasa, Kashim Shettima yanzu haka tana birnin Landan domin kawo gawar tsohon shugaban kasar gida.

Subscribe to Our VIP Newsletter

[newsletter_signup_form id=1]