Kotu a Tunisiya ta ɗaure ‘yan sanndan ƙasar shekara biyu a gidan yari saboda mutuwar wani magoyin bayan ƙwallon ƙafa.
Omar Laabidi mai shekara 19 ya nitse a ruwa a 2018 lokacin da yake yunƙurin tsira daga ‘yan sandan da suka biyo wani gungun magoya bayan ƙwallon ƙafa a gefen wata ƙorama.
An ruwaito cewa Laabidi ya yi ta ihun cewa ba zai iya ninƙaya ba kafin daga baya ya afka cikin ruwan don guje wa ‘yan sandan. Washegari aka fito da gawar Laabidi.
Shaidu sun ce sun ji ‘yan sanda na yi masa tsawa cewa “dole ka san yadda za ka yi ninƙaya”, abin da ya zama abin faɗa a shafukan zumunta maƙale da maudu’in #ApprendsÀNage daga mutanen da ke kiraye-kirayen a bi masa haƙƙinsa.
‘Yan uwan mamacin sun ce za su ɗaukaka ƙara kan hukuncin saboda abin da suka ce “ba cikakken adalci ba ne”.
Subscribe to Our VIP Newsletter
[newsletter_signup_form id=1]
