Da sanyin safiyar ranar Litinin ne wasu maza biyu da yarinya mace daya suka rasa rayukansu a wani hatsarin mota daya tilo da ya afku a kauyen Gada Data dake kan hanyar Bauchi zuwa Kano a karamar hukumar Ganjuwa a jihar Bauchi.
Wasu fasinjoji tara na wata motar bas ta Hummer dauke da fasinjoji 22 sun samu raunuka daban-daban a hadarin, wanda aka ce ya faru ne da misalin karfe 12:13 na safe.
Rahoton da hukumar kiyaye haddura ta kasa (FRSC) reshen jihar Bauchi ta fitar ta bayyana cewa, motar bus din kasuwanci na dauke da lamba: GKA519 XA.
Karanta Wannan:Â Mutane 15 sun mutu a hanyar Kogi – FRSC
Rahoton ya nuna cewa an kai rahoton afkuwar hatsarin ga jami’an hukumar bayan mintuna 10 da faruwar lamarin, inda nan take aka tura jami’an kiyaye haddura zuwa wurin domin gudanar da aikin ceto.
Ya kara da cewa jami’an sun garzaya da wadanda lamarin ya rutsa da su: manya maza biyar, manya mata uku, yara maza biyu da yara mata zuwa asibitin koyarwa na jami’ar Abubakar Tafawa Balewa (ATBUTH) da ke Bauchi, inda likita ya tabbatar da rasuwar marigayin.
Wadanda suka jikkata a cewar rahoton sun hada da manya maza uku, manyan mata uku, yara maza biyu da mace daya.
Daga nan ya bayyana cewa an ajiye gawarwakin wadanda suka mutu a dakin ajiye gawa na ATBUTH, inda kuma za a mika su ga ‘yan uwansu domin yi musu jana’iza.
Subscribe to Our VIP Newsletter
[newsletter_signup_form id=1]
