Hukumomi a Ukraine sun ce, ya zuwa yanzu mutum 33 ne aka tabbatar sun mutu a harin roka da aka kai kan wani ginin gwamnati a garin Mykolaiv da ke tekun Black Sea.
Rahotanni na nuni da ce cewa, harin ya kuma raunata wasu 34.
Har yanzu ma’aikatan agaji na ci gaba da duba ɓaraguzan ginin tare da kwashe gawarwaki daga wurin, a cewar hukumar agaji ta Ukraine kwana huɗu da kai harin.
Harin da Rasha ta kai ya haƙa wani rami a tsakiyar ginin na gwamnatin yankin Mykolaiv da safiyar Talatar da ta gabata.
Gwamnan Mykolaiv da ke da ofis a wurin, Vitaliy Kim ya ce, ba ya wurin lokacin da makamin ya faɗa kan ginin saboda ya makara zuwa wajen aiki.
Subscribe to Our VIP Newsletter
[newsletter_signup_form id=1]
