Yanzu haka dai mutane takwas da ake zargi suna hannun ‘yan sanda a Sokoto bisa zargin yin garkuwa da mutane da kuma yin fashi.
Rundunar ‘yan sandan jihar Sokoto ta gurfanar da wadanda ake zargin a ranar Talata.
Muhammed Gumel, kwamishinan ‘yan sandan jihar Sokoto ya bayyana cewa, a ranar Lahadi, 4 ga watan Disamba, 2022, wani Suleman Musa ya kai rahoto a sashin binciken manyan laifuka na jihar cewa wasu da ba a san ko su wanene ba sun hada baki suka yi garkuwa da dansa, Musa Suleman, mai shekaru bakwai, tare da tsare shi na tsawon kwanaki hudu.
A cewar kwamishinan ‘yan sandan: “An ruwaito Suleiman Musa ya shaidawa ‘yan sanda cewa ya biya Naira miliyan 4 a matsayin kudin fansa kafin a sako yaron.”
Bayan binciken ‘yan sanda, an kama wani Haliru Riskuwa, wanda aka fi sani da Lopetee, makwabcin dangin.
Kwamishinan ‘yan sandan Gumel ya yi zargin cewa Haliru Riskuwa ya aikata laifin tare da Abdullahi Umar da Faruku Usman Binji. Yayin da aka kama Umar kuma yana hannun ‘yan sanda, Binji kuma yana hannun ‘yan sanda.
Ya zuwa yanzu dai an kwato Naira miliyan 2.5 na kudin fansa daga hannun wadanda ake zargin.
Subscribe to Our VIP Newsletter
[newsletter_signup_form id=1]
