Mutane da dama aka kashe ko jikkata a gobarar da ta tashi bayan harin Rasha a kan tashar nukiliya ta Ukraine, kamar yadda ma’aikatar harkokin wajen ƙasar ta bayyana.
Ma’aikata na ci gaba da lura da tashar ta Zaporizhzhia don tabbatar da cewa tana aiki yadda ya kamata ba tare da tiriri mai guba ya tashi ba, a cewar ma’aikatar cikin wata sanarwa a Facebook.
Kamfanin dillancin labarai na AP ya rawaito cewa, an kashe sojojin Ukraine uku da jikkata biyu a harin da Rasha ta kai cikin dare.
Idan har na’urorin da ke sanyaya tashar suka samu matsala za a fuskanci bala’i mai girman gaske na yaɗuwar tiriri mai guba na radiation.
“Dubban mutane – ciki har da farar hula da suka gaza guduwa daga yankin saboda luguden wuta – za su shiga tasku,” in ji sanarwar.
Shugaban Ukraine ya ce bala’in fashewar nukilya a Zaporizhzhia zai zarta na baya da aka taɓa gani sau 10 idan ya faru. .
Subscribe to Our VIP Newsletter
[newsletter_signup_form id=1]
