Wani hatsarin mota da ya afku a kan babbar hanyar Maiduguri zuwa Damaturu a ranar Juma’a, ya yi sanadiyar mutuwar fasinjoji uku, wasu kuma sun samu raunuka daban-daban.
Hatsarin kamar yadda wata majiya ta bayyana, ya afku ne mai nisan kilomita kadan daga garin Benisheik da ke karamar hukumar Kaga a jihar Borno da safiyar Juma’a.
Majiyar ta bayyana cewa wata motar Borno Express mai lamba BAM 249 XA da ta taso daga Maiduguri zuwa Kano ta yi hatsarin.
A cewar majiyar, “mata biyu da namiji daya sun rasa rayukansu; wasu sun jikkata. An garzaya da wadanda suka jikkata zuwa asibiti kusa da Benisheik.”
Utten Iki Boyi, kwamandan hukumar kiyaye hadurra ta kasa (FRSC), bai samu samun damar zuwa ba saboda bai amsa kiransa ba domin tabbatar da faruwar hatsarin.
Subscribe to Our VIP Newsletter
[newsletter_signup_form id=1]
