Dan wasan gaba na Ghana Osman Bukari ya ce, bai raina Cristiano Ronaldo ba a lokacin da ya kwaikwayi murnar kwallon da tauraron dan kwallon Portugal ya zura a raga.
Bukari ya zura kwallo a raga inda aka tashi 3-2 a minti na 89 daga bisani ya murna irin ta fitaccen hoton Ronaldo na ‘Siu’.
Tsohon dan wasan na Manchester United ya baiwa Portugal damar ci gaba da cin kwallo a filin wasa na 974 da ke Doha amma sai da Bukari ya farke daga yadi shida.
“Na lura murna ta ta haifar da maganganun da ke cewa na raina Ronaldo,” dan wasan mai shekaru 23 ya wallafa a shafin Twitter.
“Wannan ba daidai ba ne, na ji dadin lokacin da na ci wa kasata kwallo a gasar cin kofin duniya da na yi a karon farko da ya kai ni ga murna.
Subscribe to Our VIP Newsletter
[newsletter_signup_form id=1]
