Shugaban kasa, Muhammadu Buhari, ya taya ma’aikatar sufuri ta tarayya da hukumar kula da tashoshin jiragen ruwa, kan nasarar da aka samu na jigilar jirgin ruwa na farko a tashar ruwan Lekki Deep Sea.
Jirgin mai suna ZHEN HUA 28, ya kai Jirgin ruwa guda uku zuwa Teku da kugiya guda 10 na Tire na Roba wadanda za su taimaka wajen fitar da kayayyaki daga tasoshin zuwa gaci.
Shugaban ya bayyana ra’ayinsa ne a wata sanarwa da mai magana da yawunsa Femi Adesina ya fitar ranar Asabar a Abuja.
Ya kuma taya dukkan masu ruwa da tsaki a harkar ruwa murnar wannan gagarumin aiki.
A cewarsa, an yanke shawarar ne da nufin samar da guraben ayyukan yi masu tarin yawa, zuba jarin kasashen waje da kuma saukaka harkokin kasuwanci.
Ya yabawa ma’aikata da masu gudanarwa a bangaren ruwa na kasar da suke aiki ba dare ba rana don ganin an fara gudanar da aikin tashar ruwan Lekki kafin karshen shekara.
Shugaban ya tabbatar musu da kudirinsa na ci gaba da saka hannun jari a wadannan sabbin kadarorin.
A cewar Buhari, albarkatun ruwa da na ruwa na kasar na da matukar muhimmanci ga rayuwar ‘yan Najeriya kuma gwamnati ba za ta yi kasa a gwiwa ba wajen samun nasarar cin moriyar wannan fanni.
Subscribe to Our VIP Newsletter
[newsletter_signup_form id=1]
