Rundunar ‘yan sandan jihar Zamfara ta c,e tana yin duk mai yiwuwa don ganin an sako wasu dalibai mata guda hudu da aka yi garkuwa da su a tsakanin Birinin Magaji da Laura Namoda a jihar.
Daliban mata na fuskantar barazanar auren dole a yankin wadanda suka sace su.
A cikin wani faifan bidiyo mai tsawon dakika biyu da dakika 29 da ‘yan fashin suka fitar a ranar Lahadin da ta gabata, daliban mata na rokon gwamnatin jihar Zamfara da sauran jama’a da a ceto su kafin ‘yan fashin su yi musu auren dole.
A cikin faifan bidiyon, daukacin daliban matan da aka gani sanye da hijabi, sun bayyana cewa suna fuskantar barazanar auren dole sakamakon kin biyansu kudin fansa N12m da masu garkuwan suka nema domin samun ‘yancinsu.
An bayyana sunayen daliban matan da suka hada da Aisha Yahaya, Jamila Yahaya, Ummu Sani, da Hauwa Garba wadanda aka yi garkuwa da su watanni shida da suka gabata.
Jami’in hulda da jama’a na rundunar ‘yan sandan jihar, PPRO, Yazid Abubakar, ya ce ‘yan sandan na yin duk mai yiwuwa wajen ganin an ceto wadanda aka yi garkuwa da su.
“Mun fara aikin ceto kuma da yardar Allah za mu yi iya kokarinmu wajen ganin an ceto daliban mata,” ya kara da cewa.
Subscribe to Our VIP Newsletter
[newsletter_signup_form id=1]
