Gwamnatin tarayya ta kwato Naira Biliyan 120 daga cikin kudaden da aka samu na laifuka a gwamnatin Shugaba Muhammadu Buhari.
Ministan Sadarwa da Al’adu, Lai Mohammed, ne ya bayyana hakan a ranar Laraba a wajen taro na 8 na ‘PMB Administration Scorecard Series (2015-2023)’ a Abuja.
Ya bayyana cewa, an kwato kudaden ne a sakamakon aiwatar da dokar da aka kafa na Creed of Crime (Recovery and Management) Act, 2022.
Ya kara da cewa, aiwatar da shirin na POCA ya sa hukumomin da abin ya shafa su bude, ‘Asusun da aka kwace da kuma kwace a babban bankin Najeriya domin tabbatar da gaskiya.
Ya bayyana cewa, ana amfani da kudaden ne wajen saukaka kammala aikin gadar Neja ta biyu, Legas-Ibadan da babban titin Abuja-Kano.
“Zan iya tabbatar da cewa ya zuwa yanzu, Gwamnatin Tarayya ta gano sama da Naira biliyan 120b, a tsakanin wasu kudade, daga POCA.
“Wannan kudi za a yi amfani da shi ne wajen kammala wasu muhimman ayyukan more rayuwa a kasar nan, kamar gadar Neja ta biyu da babbar hanyar Legas-Ibadan da Abuja-Kano. Za mu ci gaba da kawo muku bayanai kan hakan,” inji shi.
Subscribe to Our VIP Newsletter
[newsletter_signup_form id=1]
