Sufeto Janar na rundunar ‘yan sanda ta kasa, ya yaba wa wasu jami’an ƴan sanda da suka nuna halin ƙwarai da ba kasafai ake samu ba yayin gudanar da aikin jami’an.
A wata sanarwa da rundunar ƴan sandan ta fitar ta ce, akwai ɗan sanda, CSP Elemide Akinkunmi da ya mayar da Naira 600,000 da aka tura a asusunsa na banki bisa kuskure.
Ɗan sandan wanda shi ne shugaban gudanarwa na gidan rediyon ƴan sanda ya mayar da kuɗin da aka yi kuskuren tura masa zuwa ga asusun ƙungiyar jami’an ƴan sanda.
Shugaban ƴan sandan Najeriya, ya kuma yaba wa ɗan sanda Yahaya Ahmed a kotun shari’ar musulunci ta Gusau a jihar Zamfara, wanda sanarwar ta ce, ya ƙi karɓar cin hancin har Naira dubu 300,000 da wani Chukwuka Jude da aka gurfanar a kotun a ranar 18 ga Maris ya ba shi.
Subscribe to Our VIP Newsletter
[newsletter_signup_form id=1]
