Jami’an sojin Ukraine sun ce kusan sojojin Rasha 15,000 suka kashe, tun lokacin da shugaba Putin ya afkawa ƙasar da yaƙi sama da mako uku da suka gabata.
Sabbin alƙalumman da aka wallafa a wani shafin Facebook na ma’aikatan Ukraine, jami’ai sun ce, sojojin Rasha 14,700 aka kashe a kwanaki 25 da aka shafe ana gwabza faɗa.
Bayanan sun yi iƙirarin cewa, an lalata makaman Rasha a yaƙin, da suka haɗa da tankokin yaƙi 476 da jiragen yaƙi sama da 200 da jirage masu saukar Ungulu da jirage marar matuki da dama.
BBC ba za ta iya tabbatar da wannan iƙirarin ba, amma majiyoyi na ƙasahen yammaci sun ce, Rasha ta ji jiki a yaƙin, yayin da jami’an tsaron Amurka suka yi ƙiyasin cewa, sojojin Rasha 7,000 aka kashe tare da raunata 21,000.
Subscribe to Our VIP Newsletter
[newsletter_signup_form id=1]
